အိမ်ပြန်ခြင်း

                 တစ်နှစ်ပြည့်ခွင့်ရဖို့အရေး ခြောက်လလောက်အလိုကတည်းက အလုပ်ထဲမှာ မန်နေဂျာကို ကြိုတင်ခွင့်တင်ထားရတယ်။ သူလိုကိုယ်လို ခွင့်ပြန်မယ့်သူများတော့ ကြိုတင်အလှည့်ကျ ဇယားချထားနိုင်အောင်လို့ပါ။ ခွင့်ပြန်ဖို့တစ်လအလိုမှာ မန်နေဂျာက အတည်ပြုလက်မှတ်ထိုးပေးလိုက်မှ ခွင့်စာကို စီမံရေးရာဌာနကိုတင်ရမှာဖြစ်တယ်။ အပေါက်ဆိုးဆိုးနဲ့ ကိုယ့်ကိုကိုယ် မာန်တက်နေတဲ့ စလုံးမတွေများတဲ့ ကျွန်တော့်ကုမ္ပဏီက စီမံရေးရာဌာနကို ပုံမှန်ဆိုသွားရမှာ ဝန်လေးတဲ့ကျွန်တော် တက်တက်ကြွကြွနဲ့ သွားဖြစ်ခဲ့ပါတယ်။ စီမံက ကျွန်တော်တင်ထားတဲ့ခွင့်ရက်နဲ့ ခံစားခွင့်ရက်ကို တွက်ချက်ပြီး နောက်လ လစာထဲကနေဖြတ်ထားမဲ့ လုပ်ခငွေပါ တစ်ခါတည်းတွက်ပေးလိုက်ပါတယ်။ ကုမ္ပဏီက ကိစ္စဝိစ္စ တွေ ပြီးတာနဲ့ လက်မှတ်ဝယ်ဖို့ ပင်နီစူးလားပလာဇာကို ပြေးရတယ်။ နီစပ်ရာသူငယ်ချင်းကို မေးပြီး အဆင်ပြေနိုင်မယ့်ဆိုင်ကို သွားတာပေါ့။ ဒီဇင်ဘာလ ခရစ္စမတ်ဆိုတော့ ကျွန်တော့်လိုပဲ အိမ်ပြန် ကြမယ့်လူတွေများတော့ လက်မှတ်ကိုလွယ်လွယ်ကူကူမရဘူး။ မက်ကတ်တင်းကောင်းတဲ့ အစ်မကြီးကတော့ အသွားလက်မှတ်တော့ရှိကြောင်းနဲ့ အပြန်လက်မှတ်ကတော့ ဝိတ်တင်းနဲ့ပဲရမှာဖြစ်ကြောင်း ပြောပါတယ်။  ဝိတ်တင်းကိုလည်း အမ်အေအိုင်မှဝယ်တဲ့လက်မှတ် ဆိုရင်သူတို့အနေနဲ့ လုပ်ပေးရင်အဆင်ပြေနိုင်ကြောင်း ရွှန်းရွှန်းဝေအောင်ကို ရောင်းပါတယ်။ ဒါနဲ့ပဲ အိမ်ပြန်ချင်လို့ တက်ကြွနေတာကတစ်ကြောင်း၊ ရောင်းသူရဲ့ မတ်ကတ်တင်းကောင်းမှုကတစ်ကြောင်းကြောင့် သူတို့ဆီကပဲ ဝယ်ဖြစ်လိုက်တယ်။ တကယ်တော့ ဘယ်ဟုတ်မလဲဗျာ။ လက်မှတ်ဖိုးငွေမရှင်းခင်ရက်နဲ့ ငွေရှင်းပြီးနောက်ရက် သူပြောတဲ့စကားက တော်တော် ကွာသွားတယ်။ ဝိတ်တင်းဖြစ်နေတဲ့ အပြန်လက်မှတ်ကို သူတို့အနေနဲ့ လုပ်ပေးလို့မရကြောင်းနဲ့  ရန်ကုန်ရောက်မှ အမ်အေအိုင်ရုံးမှာ ကိုယ်တိုင်တောင်းဆိုရမှာ ဖြစ်တယ်လို့ ပြောပြန်ရော။ ရန်ကုန်မှာရှိတဲ့ သူတို့ရုံးခွဲကိုတောင် မသွားဖို့ သေသေချာချာထပ်မှာလိုက်သေးတယ်။ နိုင်ငံရပ်ခြားမှာ မြန်မာအချင်းချင်း  ရိုင်းပင်းကူညီပုံများ ပြောပါတယ်။ ဘာပဲပြောပြော အိမ်ပြန်ဖို့စီးတော်ယဉ်လက်မှတ်ကတော့ တစ်ကြောင်းစာ အဆင်ပြေသွားပြီ။

              နောက်ထပ် အရေးကြီဆုံးတစ်ခုက နိုင်ငံခြားမှာသွားရောက် အလုပ်လုပ်နေသူတွေ မြန်မာပြည်ပြန်မယ်ဆို မဖြစ်မနေလုပ်ရမဲ့  သံရုံးသွားအခွန်ဆောင်ခြင်းအမှု လုပ်ရတယ်။ အခွန်ဆောင်ခြင်း ဆိုတဲ့နေရာမှာ နိုင်ငံသားတစ်ယောက်အနေနဲ့ ဘယ်လိုအကြောင်းအချက်တွေကြောင့် အခွန်ဆောင်ရတယ်၊ အခွန်တော်ငွေတွေဟာ ဘယ်လိုလည်ပတ်စီးဆင်းတယ်ဆိုတာ နားလည်သည်ဖြစ်စေ မလည်သည်ဖြစ်စေ  ပြည်ပကို ပြန်လည်ထွက်ခွာတဲ့အခါ ချောချောမွေ့မွေ့ဖြစ်ဖို့နဲ့ နိုင်ငံကူးလက်မှတ် သက်တမ်းတိုးလို့ရဖို့ ရှိတဲ့အတွက် ဘယ်လောက်အရးကြီးတယ်ဆိုတာ နားလည်ပြီးသားဖြစ်နေကြတဲ့ ကိစ္စတစ်ခုပဲ မဟုတ်လား။  အခွန်ဆောင်ဖို့ ရုံးကခွင့်ယူပြီး မနက်လေးနာရီ အိမ်ကနေစထွက်ခဲ့တယ်။ စလုံးမှာနေလာတဲ့ ဒီအတောအတွင်း မနက်လေးနာရီလောက် အိပ်ယာကထရတယ်ဆိုတာ ကျွန်တော့်အတွက် ဒါပထမဆုံးပဲ။  အချိန်မတော် သွားတာဖြစ်တဲ့အတွက် ပုံမှန်ဈေးထက်ပိုတဲ့ တက်စီခလည်းပေးရတယ်။ သံရုံးရှေ့ ရောက်တော့ ကျွန်တော့်လိုပဲ အခွန်ဆောင်မဲ့ လူတစ်ချို့ ရောက်နှင့်နေပြီ။  လူတစ်ချို့ သံရုံးရှေ့ မြောင်းနံဘေးမှာ အိပ်နေတာကို အရင်စတွေ့ကတည်းက စိတ်က မသက်မသာဖြစ်သွားတယ်။  သူတို့ ဘယ်အချိန်ကတည်းက ရောက်နေကြတာလဲ တော့မသိဘူး စာရွက် ပိုင်းလေးထဲမှာ နံပါတ်စဉ်ကို ရေးတော့ ကျွန်တော်အလှည့်က အယောက်နှစ်ဆယ်ကျော် ဖြစ်နေပြီ။ စိတ်မောမောနဲ့ဘဲ ကျွန်တော်တို့ မြန်မာသံရုံးက အထူးစီစဉ်ပေးထားတဲ့ ကားလမ်းဘေးပလက်ဖောင်းပေါ် ထိုင်ချရင်း အခွန်ဆောင်ရင် ကြုံတွေ့ရမဲ့ အခက်ခဲတွေ ကြိုတင်ပြင်ဆင်နိုင်ဖို့ ဘေးနားကတွေ့တဲ အစ်ကိုတွေနားက စနည်းနာရတယ်။  မနက်ခင်းလမ်းလျှောက်တဲ့ လူတစ်ချို့ကွက်ကြည့်ကွက်ကြည့် လုပ်သွားတာကိုတော့ ရှက်ရှက်နဲ့ မမြင်ချင် ယောင်ဆောင်နေလိုက်တယ်။ ဒီလိုနဲ့ ကျွန်တော်တို့ရဲ့ တန်ဖိုးရှိတဲ့ အချိန်တွေကို ပေးပြီး မနက်ကိုးနာရီ သူတို့အလုပ်လုပ်မဲ့အချိန်ထိ စောင့်ရတော့တာပေါ့။ ဘယ်တတ်နိုင်မလဲဗျာ ဒါမျိုးဒုက္ခကခုမှပထမဆုံး ကြူံဖူးတာမှ မဟုတ်တာ ကျင့်သားလည်း ရနေပါပြီလေ။ ကိုးနာရီထိုးတော့ ယူနီဖောင်းနဲ့ စလုံးတရုတ် အဖိုးကြီးက သံရုံးတံခါးလာဖွင့်တော့ အထဲကိုဝင်လို့ရပြီ။ အထဲမှာ ထိုင်စရာခုံ အနည်းငယ်က လာတဲ့ လူအရေအတွက်နဲ့ မမျှတဲ့အတွက် တချို့ဟိုနားဒီနားမှာရပ်တဲ့လူကရပ် အပြင်မှာဖိနပ်ခုထိုင်တဲ့လူကထိုင်နဲ့ တော်တော်ကြီးတဲ့ ဒုက္ခပါပဲ။ လာတဲ့လူတွေရဲ့မျက်နှာတွေကို ကြည့်လိုက်ရင် အိပ်ရေးပျက်တာရော  စိတ်မကြည်လင်တာရောဆိုတော့ သနားစရာပုံလေးတွေကိုဖြစ်လို့ပေါ့ဗျာ။ ငါးယောက်စီ အလှည့်ကျခေါ်သံနဲ့ အတူကျွန်တော့်အလှည့်ရောက်ပါပြီ။ သံရုံးရဲ့ကွမ်းတောင်ကိုင် ခပ်ဝဝအန်တီကြီးက အခွန်ဆောင်မှာလား သက်တမ်းတိုးမှာလားလို့ ဟောက်သံနဲ့မေးပါတယ်။ တစ်မနက်လုံးအချိန်ကုန်ခံစောင့်ရ၊ အိပ်ရေးပျက်ရ၊ အလုပ်ပျက်ရလို့ စိတ်အချဉ်ပေါက်နေရတဲ့အထဲ ဟောက်သံနဲ့အကြောကြီးလာပြောလို့ စိတ်တိုနေပေမဲ့ မျက်နှာကိုတော့ ကျွန်တော်အတတ်နိုင်ဆုံးပြုံးထားလိုက်တယ်။ နောက်ထပ်အဟောက်မခံရအောင်နဲ့၊ ကိုယ့်ကိစ္စမြန်မြန်အဆင်ပြေဖို့ပဲလေ ဆိုတဲ့စိတ်ရယ် ဗုဒ္ဓဘုရားရှင်ဟောကြားသွန်သင်တော်မူတဲ့ ခန္တီစတရား ကိုလက်ကိုင်ထားလို့ပေါ့ဗျာ။ သံရုံးကိုသာတစ်နေ့တစ်ခေါက်လာရမယ်ဆိုရင် ကျွန်တော်နိဗ္ဗာန် မြန်မြန် ရောက်နိုင်တယ်။ တယောက်တစ်မျိုးမတူညီတဲ့ အခွန်နှုန်းတွေနဲ့ တစ်လစာလောက်ရှိတဲ့ ကိုယ်ရဲ့ ချွေးနဲစာလေးလဲ ပေးဆောင်ပြီးသကာလ သက်ပြင်း ချသံနဲ့အတူ နောက်နှစ်မှနောက်တစ်ခေါက်ပြန်လာရမဲ့ ရုံးတော်ကြီးကို လှည့်တောင်မကြည့်ပဲ ပြန်ခဲ့ပါတယ်။  နှမြောလိုက်တာမှမျက်ရည်တောင်လည်မိတယ်ဗျာ။ ထားလိုက်ပါတော့ကိုယ်မှဘာမှမတတ်နိုင်တာပဲလေ။ အိမ်ပြန်မယ်လို့ ပြောလိုက်တာနဲ့ ပထမဦးဆုံး လူကြုံထည့်ပေးလိုက်ဦးမယ်ဆိုတဲ့ ကျွန်တော်တို့  မြန်မာလူမျိုးတွေရဲ့ ချစ်စရာဓလေ့ကို စတင်ရင်ဆိုင် ရတာပါပဲ။ စလုံးလိုကျွန်းနိုင်ငံသေးသေးလေးမှာ  လက်ရှိ မြန်မာဦးရေကလည်း နည်းတာမဟုတ်ဘူး။ အရင်ကတည်းကခင်တဲ့ သူငယ်ချင်းတွေရှိသလို စလုံးရောက်မှ တွေလို့ခင်တဲ့ သူငယ်ချင်းတွေကလည်း မနည်းဘူး။ သူငယ်ချင်းတွေခိုင်းတာကို ငြင်းပယ်လေ့မရှိတဲ့ ကျွန်တော် ထည့်ပေးလိုက်တာတွေ တနင့်တပိုးနဲ့ ဖေဖေ၊ မေမေ နဲ့ အမျိုးတွေအတွက် လက်ဆောင်တစ်ချို့ ဝယ်ကာ အိမ်ပြန်လမ်းကိုနှင်ခဲ့ပြီပေါ့။ ဒီလိုနဲ့ အမ်အေအိုင်လေယာဉ်လေး ရန်ကုန်အပြည်ပြည်ဆိုင်ရာ လေဆိပ်ကို ဆိုက်ပါပြီ။ လူဝင်မှုကြီးကြပ်ရေး ကောင်တာကိုဖြတ်ရတော့မယ်။ ကိုယ့်တိုင်းပြည်ကိုပြန်တာပါပဲ၊ ဒါပေမဲ့ ကုမ္ပဏီိကခွင့်စာ၊ အခွန်ဆောင်းပြီးကြောင်းပြေစာနဲ့ တခြားလိုအပ်မယ်ထင်တဲ့စာရွက်စာတမ်း တစ်ချို့ကို ပြင်ဆင်လာခဲ့ ပြီးသားဖြစ်တဲ့ကျွန်တော် ခပ်တည်တည်ပါပဲ။ ကောင်တာမှာကျွန်တော့်ရှေ့က အစ်ကိုကြီး တစ်ယောက် ကတော့ သူ့ဘောင်းဘီအိပ်ထဲကဘာတွေနှိုက်ပြီးပေးလိုက်တာလဲတော့ မသိဘူး။ တစ်ခုခုတော့ တစ်ခုခုပဲ။ ကျွန်တော့်ဦးဏှောက်နဲ့လဲစဉ်းစားလို့လိုက်မမှီဘူး။ ထားပါတော့၊ ဒီတစ်ခါကျွန်တော့် အလှည့်။ ခွင့်စာပါတဲ့အတွက် စလုံးပြန်ထွက်ရင်ဒီဖောင်း မလိုအောင်သူပေးတဲ့ ဖောင်တစ်ခုထဲမှာ ဖြည့်စရာရှိတာ ဖြည့်နေတုန်း အဲဒီဝန်ထမ်းဦးလေးကြီးက ကျွန်တော့်မျက်နှာကို မကြည့်ပဲ " ညီလေး၊ မင်းနိုင်ငံခြားက ပြန်လာတာဘာလက်ဆောင်ပါသလဲကွ" လို့မေးလာတယ်။ ကျွန်တော်လည်းကြိုတင် စဉ်းစားထားပြီးသား ဖြစ်တာမို့ ဟိုမှာသိပ်အဆင်မပြေကြောင်းနဲ့ လက်ရှိကမ္ဘာ့ငွေကြေးဂယက်ကြောင့် လစာလျှော့ခံတဲ့အတွက် ဘာမျှတောင် ဝယ်မလာနိုင်လို့ စိတ်မရှိပါနဲ့ခင်ဗျာလို့ပြောပြီး ခပ်သုတ်သုတ်လေး ပြေးထွက်ခဲ့တယ်။ အပြင် ရောက်တော့ တက္ကစီသမားတွေဆွဲလားရမ်းလား လာလုပ်တော့တာပဲ။ သူတို့ထဲက တစ်ယောက်နဲ့ ဈေးတည့်လို့ သူလိုက်ပြတဲ့ကားကိုတွေတော့ကျွန်တော် တော်တော်ဝမ်းသာသွားတယ်။ ဘာလို့ဝမ်းသာ သွားတာလဲလို့ထင်လဲ။ ကျွန့်တော့်တစ်သက် ဒီလိုကားမျိုးစီးရလိမ့်မယ်လို့ တစ်ခါမှတွေးမထားမိလို့ပဲ။ ဘယ်လိုကားမျိုးမို့ဒီလောက်ညွှန်းနေတာလဲလို့ မမေးနဲ့ အနက်ရောင်ကားကြီးရှေ့မှာ "စီးပွား/ကူးသန်း" ဆိုတဲ့ဆိုင်းပုဒ်နဲ့ဗျ။ ဟဲ..ဟဲ..တက္ကစီဆိုတဲ့ ဆိုင်းပုဒ်တော့ မတွေ့ဘူး။ ဒီလိုနဲ့......လိုရာခရီးကိုခန့်ခန့်ကြီး ရောက်သွားတယ်ဆိုပါတော့။ ရန်ကုန်မှာတစ်ညတာခရီးတထောက်နားခဲ့တယ်။ သူငယ်ချင်းအိမ်မှာ အိပ်တော့ မှတ်မှတ်ရရသူဆိုပြတဲ့ အဆိုတော်တွံတေးသိန်းတန်ရဲ့ "မှောင်နဲ့မဲမဲ လရောင်လဲမသဲကွဲ၊ ချွေးကလေးစို့ အပြေးကလေးမို့လာခဲ့ပါလား" ဆိုတဲ့သီချင်းကိုခုထိဆိုညဉ်းနေမိတုန်းပဲ။ နောက်နေ့ ထမင်းစားသောက်ပြီး နေ့လည်ခင်းကားနဲ့ မွေးရပ်ရှမ်းကုန်းမြေကို ခရီးဆက်ခဲ့တယ်။

.

 

ကလောအလွန်တောင်ပေါ်လမ်း

.

                  လမ်းခရီးမှာစိတ်ပင်းပန်းလို့ အိပ်ပျော်မယ်လုပ်ရင် မှတ်ပုံတင်စစ်ဆိုလို့ အောက်ဆင်းရတာ ကတော့ခဏခဏပဲ။ ဘုရားငါးဆူလမ်းခွဲကျော်တော့ သန်းခေါင်ကျော်လို့ နှစ်ချက်တီးနေပါပြီ။ တောင်ပေါ်ကို စတက်နေပြီဖြစ်လို့ ဒီဇင်ဘာအအေးဓာတ်ကစိုးမိုးနေပေမယ့်၊ မွေးရပ်မြေကိုရောက်တော့မှာမို့ရင်ထဲကတော့ နွေးနေတယ်။ အပြင်မှာမှောင်မဲနေပေမဲ့ ကျွန်တော်မအိပ်တော့ပဲ တောင်တန်းမှောင်မဲမဲတွေကို လိုက်ကြည့်နေမိတယ်။ ဘာရယ်ကြောင့်မှန်းလည်းမသိဘူး မျက်ရည်တွေလည်းအလိုလိုဝဲနေတယ်။ အောင်ပန်းမြို့ကိုကျော်တော့မိုးလင်းနေပါပြီ။ နှင်းတွေပိတ်မှောင်နေတဲ့ ဒီဇင်ဘာရှမ်းမြေကတော့ အရင်လို လှနေဆဲပါပဲ။ ကားပေါ်ကဆင်းတော့ မျက်ရည်လေးစမ်းတမ်းစမ်းတမ်းနဲ့ကြိုနေတဲ့ အမေ နဲ့ အဖေ ကိုမြင်တော့ ကျွန်တော် ပြေးဖက်ပြီးငိုလိုက်မိတော့တယ်။ လောကရဲ့ရိုက်ခတ်တဲ့ ဒဏ်ချက်တွေကြောင့် ကျွန်တော်ပင်ပန်းခဲ့တာတွေ ခဏလေးအတွင်းမှာပြေပျောက်သွားတယ်။ ဒါ..မိဘမေတ္တာနဲ့မွေးရပ်မြေရဲ့ အငွေ့အသက်တွေပြန်လည်ရှူရှိုက်လိုက်ရတဲ့ အတွက်ကြောင့်ပေါ့။

        နောက်နေ့မှာ ကျွန်တော်ပြောပြနေတဲ့ လုပ်ငန်းခွင်နဲ့ ဘဝအတွေအကြုံတွေကို အာရုံစိုက်နားထောင်နေတဲ့ အဖေနဲ့ အမေကို  ကျွန်တော်သီချင်းတစ်ပုဒ်ဆိုပြလိုက်တယ်။ဒီလိုပါ........

       " ဝေဟင်မှာ လေဟုန်စီး ရီးလေးလေးခိုကာရယ်၊ အဖေ့ဆီကို မနားတမ်းဝဲပျံကာရယ် ချစ်ခွန်းတွေ ဖွဲ့ကာနွဲ့ကာ အမေ့ကိုနွဲ့ဆိုးဆိုးလိုက်ချင်တယ်.......xxxxxxxxxxxxxx..........

             xxxxxxxxxx

xxxxxxxxxxx

             အတောင်ပံလေးများ ရနိုင်ရင်တော့လိုချင်သားကွယ်၊ ဒါမှချစ်တဲ့ အမေရှိရာ အခွန်မဆောင်ပဲ သားလည်းပြန်နိုင်မယ်.......

             xxxxxxxxxx.......................

             ..